ФУТБОЛЬНЫ ЗАЎЗЯТАР З ХАРВАТЫІ СТАЎ САЛДАТАМ ІНТЭРНАЦЫЯНАЛЬНАГА ЛЕГІЁНУ

Ён атрымаў пазыўны «Кадафі»

Ураджэнец Харватыі з прыгараду Спліта нядаўна яшчэ быў футбольным заўзятарам, а цяпер - стралок Інтэрнацыянальнага легіёна абароны Украіны. У шэрагі Узброеных Сіл Украіны ён уступіў у жніўні 2024 года.

Прайшоўшы пачатковую агульнавайсковую падрыхтоўку, доблесна выконвае баявыя заданні.

«Я лічу сябе ўкраінскім воінам. Я пачынаю раніцу з малітвы разам з маімі хлопцамі… І я буду ваяваць тут разам з імі да перамогі», — кажа Кадафі.

Упершыню Кадафі пачуў пра баі ва Украіне яшчэ ў 2014 годзе, калі быў футбольным фанатам і паўпрафесійным іграком. Тады яго цікавіла жыццё харвацкіх футбалістаў ва Украіне, такіх як Дарыё Срна з данецкага «Шахцёра» і Івіца Оліч з кіеўскага «Дынама».

Аднак пра поўнамаштабнае ўварванне расійскай арміі ва Украіну Балкан даведаўся ўжо пасля таго, як сэрвіс Booking адмяніў яго браніраванне гатэля ў Кіеве.

«Я планаваў правесці адпачынак у Кіеве напрыканцы 2021 года, але атрымаў электронны ліст кшталту “забудзь - пачалася вайна”», — жартуе ён.

Паводле слоў легіянера, улада Харватыі магла б аказаць Украіне больш дапамогі ў яе змаганні за незалежнасць і перамогу.

«Калі я даведаўся, што ва Украіне пачалася вайна, я ўжо не мог нармальна спаць. Я не мог глядзець на сябе ў люстэрка. У дзяцінстве мяне вучылі: калі бачыш бяду - або дзейнічай, або сядзі моўчкі. Я не хацеў сядзець моўчкі. У выніку я паехаў у Польшчу, да мяжы з Украінай, а там быў аўтобус з вайскоўцамі (аўтобус Інтэрнацыянальнага легіёна - рэд.). Я сказаў, што хачу далучыцца, і яны мяне ўзялі», — успамінае Кадафі.

Што да далейшай службы ў Інтэрнацыянальным легіёне абароны Украіны, то першыя ўражанні ён успамінае з усмешкай:

«Гэта было нешта неверагоднае. Сумесь нацыянальнасцяў. Як дызайнер: людзі з розных краін, ад ЗША да Тайваня, з прыкладна аднолькавымі каштоўнасцямі і інтэлектуальным узроўнем. Ты не ведаеш усіх гэтых людзей, але праз некаторы час усе адчуваюць сябе на адной хвалі і растуць разам».

«Для мяне (пытанне далучэння да Легіёна - рэд.) было лёгкім выбарам. Цяпер мы тут змагаемся адчайна. Гэта не тое, што можна ўбачыць на YouTube. Калі ты прыязджаеш сюды, ты прыязджаеш ваяваць за Украіну, за яе незалежнасць і за незалежнасць Еўропы. Гэта не проста паездка - гэта пакліканне душы».