ЛЕГЕНДАРНЫ «ВІКІНГ» 1-ГА ІНТЭРНАЦЫЯНАЛЬНАГА ЛЕГІЁНА АБАРОНЫ УКРАІНЫ
Ён прыехаў са Швецыі, абараняе Украіну з пачатку расійскага шырокамаштабнага ўварвання і мае намер рабіць гэта да самай перамогі або пакуль жывы. Яго не зламалі ні тры баявыя раненні, ні мноства кантузій. Легіянер валодае рознымі відамі ўзбраення і неаднаразова прымяняў іх на практыцы, знішчаючы не толькі расійскіх акупантаў, але і іх баявую тэхніку. Ён выходзіў пераможцам з сітуацый, у якіх іншыя проста не маглі б выжыць.
Вікінг авалодаў мноствам вайсковых спецыяльнасцяў: ён быў пяхотнікам, штурмавіком, кулямётчыкам, разведчыкам, аператарам высокатэхналагічнай тэхнікі - і ў кожнай справе праявіў сябе бліскуча.
Сярод легіянераў вольнага свету - людзей, якія прыехалі з розных куткоў планеты, каб сваёй зброяй і мужнасцю спыніць новае ўвасабленне зла, ёсць свае легенды. І гэты воін якраз з такіх.
